Hyundai Verna found during testing, the cost will be approximately 8 lakhs

અપકમિંગ / હ્યુન્ડાઈ વર્ના ટેસ્ટિંગ દરમિયાન જોવા મળી, કિંમત અંદાજિત ₹ 8 લાખ હશે

ઓટો ડેસ્કઃ હ્યુન્ડાઇ મોટર ઇન્ડિયા ભારતીય કાર બજારમાં સતત નવી કાર્સ લોન્ચ કરી રહી છે. તાજેતરમાં જ કંપનીએ ‘વેન્યૂ’ અને ‘કોના’ માર્કેટમાં લોન્ચ કરી છે. તેમજ આ દીવાળી પહેલાં કંપનીની તેની નવી ગ્રાન્ડ i10 માર્કેટમાં લોન્ચ કરશે. આ ઉપરાંત, કંપની હવે પોતાની નવી ‘વર્ના’ કાર પર પણ કામ કરી રહી છે. આ કારનાં ટેસ્ટિંગ દરમિયાન તેની કેટલીક તસવીરો લીક થઈ છે.

હ્યુન્ડાઈ છેલ્લા થોડા સમયથી તેની નવી સિડેન કાર ‘વર્ના’ પર કામ કરી રહી છે. ચીનમાં નવી ‘વર્ના’ ટેસ્ટિંગ દરમિયાન જોવા મળી. આ કાર સફેદ કલરની હતી. કવર ન હોવાથી આ કારની ડિઝાઇન સ્પષ્ટ રીતે જોઈ શકાઈ. વર્તમાન મોડલની સરખામણીએ આ મોડલ ઘણું અલગ જોવા મળ્યું. ‘વર્ના’નાં નવાં મોડલની ડિઝાઇન બોલ્ડ અને સ્પોર્ટી છે. તેનાં ફ્રંટમાં નવી સ્લિક કેસ્કેડ ગ્રિલ અને મોટા હેડલેમ્પ જોવા મળ્યા. ‘વર્ના’નાં નવાં મોડલની કિંમત આશરે 8 લાખ રૂપિયાથી શરૂ થાય એવી ધારણા છે.

હ્યુન્ડાઈની નવી વર્ના કારમાં 1.5 લિટરનું પેટ્રોલ અને ડીઝલ એન્જિન મળી શકે છે. આ એન્જિન BS-VIથી સજ્જ હશે. ખાસ વાત એ છે કે પેટ્રોલ એન્જિનનો પાવર અને ટોર્ક એકસમાન હશે, જ્યારે ડીઝલ એન્જિનના પાવર અને ટોર્કમાં તફાવત હશે. જો કે, બંને એન્જિનમાં 6 સ્પીડ મેન્યુઅલ અને ઓટોમેટિક ગિયરબોક્સ મળશે. ‘વર્ના’નાં નવાં મોડલની ટક્કર મારુતિ સુઝુકી સિયાઝ, હોન્ડા સિટી, ટોયોટા યારિસ, સ્કોડા રેપિડ અને વોક્સવેગન વેન્ટો સાથે થશે.